القطة المستوردة أو المحلية: وش الفرق ووش يناسبك؟

مو كل قطة لازم تنجاب من برا، ومو كل قطة محلية أقل. الفرق في وش تبي بالضبط، وكم تقدر تنتظر.

الاختيارات

المحلية محدودة باللي متوفر عند المربين هنا الحين. المستوردة تفتح لك كاتريات في دول ثانية، فتلقى ألوان ومستويات وسلالات قليلة في السعودية.

المدة

المحلية تقدر تستلمها خلال أيام. المستوردة تاخذ عادة من 15 إلى 30 يوم بين الأوراق والشحن والتخليص.

العمر وقت الاستلام

القطة المستوردة لازم تاخذ تطعيم السعار قبل السفر بمدة، فتوصلك عادة أكبر من القطة المحلية. وهذا مو شي سيء: تكون متعوّدة على الأكل واللتر بوكس.

السعر

المستوردة أغلى غالبًا لأن الشحن والأوراق والتخليص داخلة في سعرها. لكن لو اللون أو المستوى اللي تبيه نادر هنا، ممكن تلقاها بسعر قريب من المحلية النادرة.

متى تختار المستوردة؟

• تبي لون أو سلالة ما لقيتها هنا.
• تبي قطة بمستوى عرض أو نسب أوروبي.
• عندك وقت تنتظر أسبوعين لشهر.

شوف أول القطط المتوفرة الحين، ولو ما لقيت اللي تبيه، اطلبها مستوردة من ميس كيتي.

تبي قطة مستوردة؟ شوف كيف تطلبها من ميس كيتي ←