عملاء ينتظرون قطتك
عندنا قائمة انتظار لعملاء يدوّرون على سلالات وألوان معيّنة — أول ما تنزل قطتك نراسلهم.
قطتك في أيدٍ أمينة… ومبلغك محفوظ لك بعقد موقّع.
عندنا قائمة انتظار لعملاء يدوّرون على سلالات وألوان معيّنة — أول ما تنزل قطتك نراسلهم.
العميل يدفع بتابي أو تمارا، ومبلغك ما يتأثر.
اللي نتفق عليه يوصلك كامل، مهما كان سعر البيع.
نستلم القطة من بيتك ونوصّلها لعميلها، والتكلفة علينا.
البيع والأسئلة والتحصيل والمتابعة كلها علينا.
المرض اللي ما يكشفه الفحص والوفاة الطبيعية علينا، مو عليك.
قطتك تنعرض باسم ميس كيتي، وبياناتك في الشهادة نغطيها.
تضيف قطتك وتتابع حالتها ومبلغك لين ينصرف على آيبانك.
تسحب قطتك قبل البيع بدون رسوم، وتنهي تعاملك برسالة.
التفاصيل الكاملة في الاتفاقية وأسئلة المربين تحت.
توقّع مرة وحدة — وبعدها كل قطة تضيفها من منصتك تدخل تحت نفس الاتفاقية.
نفس اللي نطلبه من أنفسنا: جودة، وصراحة، ومستندات في وقتها.
للبيع فقط — ما نستقبل تبنّي. ولنا نعتذر عن أي قطة ما تطابق الشروط.
كل المربين داخل المملكة اللي يربّون القطط في بيوتهم ويبيعونها لحسابهم، وعمرهم 18 سنة أو أكثر، والقطط ملكهم. وقبل أول قطة تسجّل في حسابك موقع بيتك اللي فيه القطط والآيبان باسمك واسم بنكك.
خلال 5 أيام عمل من نهاية ضمان العميل (24 ساعة) أو من وصول المبلغ من شركة الدفع، أيهما أبعد، وبحد أقصى 30 يوم من التسليم حتى لو تأخرت شركة الدفع — ما لم تكن فيه مطالبة أو استرداد أو مبلغ معترض عليه قائم. ويوصلك على آيبان باسمك.
نتفق معك كتابيًا على مبلغك، واحنا نحدد سعر البيع في المتجر. ومبلغك يوصلك كامل مهما كان سعر البيع.
الأصل لا — ما تدفع ريال إلا لو فيه تقصير منك أو من العيادة اللي فحصت عندها. المرض اللي ما يكشفه الفحص، والوفاة الطبيعية أو مجهولة السبب: رسومها وتكاليفها على ميس كيتي، والقطة ما لها مبلغ. وفيه حالات قليلة بالمناصفة مكتوبة بالاتفاقية بوضوح.
يُحسب بس اللي يطلع بتقرير مختوم من عيادة مرخّصة خلال 24 ساعة من الاستلام. نبلّغك بالتقرير ونسمع منك قبل أي قرار، ولك تعترض خلال 48 ساعة بتقرير من عيادة ثانية على حسابك. ولو المرض كان ظاهر أو ممكن يكشفه الفحص، أو أخفيته، أو كان الفحص ناقص، أو قصّرت العيادة اللي فحصت عندها — تكاليفه عليك. وبعد الـ24 ساعة ما عليك مطالبة عن صحتها ما دامت معلوماتك صحيحة — عدا العيب الوراثي أو الخلقي اللي ما تدري عنه (مناصفة، بحد أقصى مبلغ القطة، ويُعتبر معلوم لو التزاوج معروف ضرره مثل مطوي × مطوي)، أو علاج بدأ خلال الضمان.
قبل البيع لا. القطة تنعرض باسم ميس كيتي، والعميل يتعامل معنا بس، وبياناتك في الشهادة نغطيها قبل العرض. وبعد البيع ما يشوف العميل إلا اللي في شهادة القطة بعد نقلها والمستندات اللي تتسلّم معها.
ترفع شهادتها (أو شهادتي أبوها وأمها لو ما طلعت). وبعد ما يدفع العميل يوصلك اسمه، وتقدّم طلب نقل الشهادة باسمه للنادي خلال يومي عمل على حسابك، وترسل لنا نسخة قبل التسليم، والأصل يروح مع القطة.
إيه. قبل ما تنباع تسحبها بدون رسوم، ولك تبيع برّا بشرط تبلّغنا فورًا من زر «بلاغ عن القطة».
التوصيل علينا: نستلمها منك في موقعك المسجّل بموعد نبلّغك فيه قبل 24 ساعة على الأقل، ونوصّلها لعميلها. وتكلفته علينا — إلا لو كان السبب تقصير منك أو من العيادة اللي فحصت عندها.
لا، مرة وحدة بس. تحتاج جوال عليه نفاذ — يوصلك الرابط برسالة نصية من «صادق»، تتحقق بنفاذ، وتوصلك نسختك.
تدخل برقم جوالك ووسيلة التحقق اللي يوفرها المتجر ومن جهاز نعتمده. وأي شي يصدر من حسابك يُحسب منك — فبلّغنا خلال 24 ساعة لو انفقد جوالك أو انخترق حسابك.
إيه، برسالة. ننزّل قططك غير المباعة، والقطط المباعة تكمل التزاماتها، ومبالغك توصلك في مواعيدها.